Դեսպանի դասախոսությունը VVD կուսակցության երիտթևի համար

27 մայիսի, 2021

Մայիսի 27-ին դեսպան Տիգրան Բալայանը հյուրընկալվեց Նիդերլանդների ամենամեծ VVD կուսակցության երիտթևի՝ «Ազատություն և ժողովրդավարություն երիտասարդական կազմակերպության» (JOVD) կենտրոնակայանում՝ դասախոսությամբ հանդես գալու նպատակով։

Տ. Բալայանը մասնակիցներին ներկայացրեց հայ և նիդերլանդացի ժողովուրդների դարավոր առնչություններն, երկկողմ հարաբերությունների ներկա մակարդակը և բազմաոլորտ համագործակցությունը։

Հայաստանի դեսպանն անդրադարձավ նաև Արցախի դեմ ադրբեջանաթուրքական ագրեսիային և հետպատերազմյան շրջանում Հարավային Կովկասում Ադրբեջանի կողմից հրահրվող լարվածությանն, ինչպես նաև՝ Ադրբեջանի ռազմակաքաղաքական ղեկավարությանը սանձելու նպատակով անհրաժեշտ քայլերին։

Դասախոսությունն եզրափակվեց դեսպանի հետ ներկաների ակտիվ հարցուպատասխանով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր